Baregod er eit velværesenter som starta opp på Sørbøvåg i 1998 av Anne Berit Garnes. Ho er utdanna naturmedisinsk aromaterapeut og for fem år sidan flytta Baregod inn i nye lokale i Britahuset på Hyllestad.

 

Baregod er opptatt av å tilby produkt som er bra for både miljø og folk og dei tilbyr ulike formar for massasje og velværebehandlingar. Du kan også få kjøpe produkt hos dei, både i butikken og på nett. Og med ujamne mellomrom vert det arrangert foredrag eller workshops med ulike tema.

​

Hos Baregod kan du nyte litt luksus og eigenpleie i form av ansiktbehandling, reins, skrubb og spa. Dei er også open for samarbeid med andre og ønskjer veldig gjerne at fleire bedrifter under same kategori kan etablere seg i Hyllestad.

​

På Britahuset er dei i dag to bedrifter, Baregod og For Deg Frisør, og i underetasjen finn du eit sjølvbetent solarium.

Dei ser at ein hudpleiar eller fotpleiar hadde vore med på å styrke Britahuset som eit velværesenter. Dei oppmodar difor andre til å ta kontakt om dei ønskjer å starte opp noko liknande.

Anne Berit hos seier at ho iallfall skal halde på i ti år til og ser mange moglegheiter med bedrifta. Det er eit spennande yrke og det gjer godt å kunne tilby litt kvardagsluksus til innbyggjarane i Hyllestad kommune.