Hyllestad Grendalag er deleigar i Fleirbrukshuset på Hyllestad saman med Hyllestad Røde Kors og Hyllestad Idrettslag. Fleirbrukshuset har forsamlingsrom, kjøkken med kioskluke, sekretæriat og lager for Røde Kors. I tillegg er det Hyllestad Idrettslag sitt klubbhus og utstyrslager.

​

Huset kan leigast til ulike arrangement og er mykje brukt til barnebursdagar og konfirmasjonar. Om du ynskjer å leige fleirbrukshuset, ta kontakt med Marion Eimind.

​

Grendalaget har årvisse arrangement som dei anten arrangerar åleine eller samarbeidar med andre lag og organisasjonar om.    Til dømes jonsokfeiring i Kvernsteinsparken. I samarbeid med parken vert det på dugnad laga bål, og parken stiller storehuset til disposisjon for grilling og kos. Dette er eit veldig populært arrangement for folk i alle aldrar då parken fungerar særs godt som leikeplass for dei minste og ein sosial møteplass for ungdom og vaksne. 

​

Det var i mange år tradisjon med bål på Myklebustneset, men vær og vind gjorde det vanskeleg å gjennomføre brenning på ein trygg måte så ein bestemte seg då for å flytte alt opp i parken. I tillegg til dette er det grendalaget som har ansvar for tenning av julegrana i Hyllestad. Her stiller Skulemusikken opp og spelar jula inn medan dei frammøtte får servert gløgg og peparkaker. 

​

Grendalaget samarbeidar og med Kvernsteinslauget og parken under Kvernsteinsmarknaden kvart år. Dei to siste åra har det vorte arrangert pubkveld i parken same kveld som marknaden, her er grendalaget medarrangør.